- 484 -

1415. Sept. 19. o. O.

Der Hofrichter zu Legnitz und die Landschöppen bezeugen, dass der Stadt Liegnitz zu Kunitz die Stadtgerichte gehören.

Ich Heincze von Czedelicz ritter, hewptman vnd hoferichter czu Legenicz vnd die landscheppen doselbist Cristoff Viaw, Niclos Koler, Pawel Tamme, Niclos Keiser, Niclos, schaultes czu Mertschicz, Menczil, schaultes czu Wandros vnd Junge Nickil, schaultes czum Newdorffe bekennen, das vor vns in gehegtem dinge der rat czu Legenicz von der stat wegin doselbist hatte vorbrocht, alz recht ist; die gemeynfc, schaulczen, gebawer vnd gertener czu Kunicz, die bekanten an eidestat in eyme worte: nemlichin Hannos Schaultes vnd Francze Schaultes, Niclos Girwig, Bartusch Cretschemer, Heinke Angir, Hannos Smed, Petir Lawbros, Hannos Meissener, Veczzencz Jone vnd abir Hannos Jone, Nickel Lorencz, Anthonius Petsch Hezeler, Hannos Ludwig, Heinrich Crodil, Vogeler, Petir Lorencz, Nitsche Nonner, Nickel Nonner, Kynast, Nickil Behme, Moschendorff, Jungehannos, Niclos Sneider, Nickil Crodil, Crawspchannos, Petir Silber, Nickil Bebirsteyn, Petir Bretsneider, Francze Esche, Petsch Czelige, Nickil Foit, Bartusch Springisgut, Heinrich Rabe, Nickil Cretschemer, wy das en wissentlich were, das eyner gefangin were wordin vmbe dewbereye of hern Diterich Predils gut czu Kunicz, der wer her eyn keyn Legenicz gefurt vnde wer ouch hyrynne gericht worden. Oueh bekanten sie, das eynir were dirslagin off hern Diterich Predils gute, der wer gewichin keyn Heinersdorff vnde were ouch dirwuscht vff hern Dithrichis gute vnde heryn gefurt vnde hirynne gericht. Ouch bekanten sy, das der landfoit hette das gerichte in dem cretschem czu Kunicz gesessin von der stat wegin vnde hette gericht obir wundin, des bekentnisse . . . . . . der rat von der stat wegin Legenicz dis brifis, der wart en ouch geteilt von rechte. Geschen noch gotis gebort vierczenhundert jar im vomfczendin jare am donrstage noch Crucis exaltacionis.

O. d. St. L. No. 255. An Pergamentstreifen die Siegel des Hofrichters und der Landschöppen.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866